தானோ அதுவோ எதுவோ பொதுவோ தேடவோ
பாலுக்குள் பதுங்குகிறது
தயிருக்குள் தடமில்லை
வெண்ணெயாய் வெளிப்படும்
நெய்யாய் உருகி மணக்கும்
கண்ணாமூச்சி ஆடிடும்
அனலில் தங்கமெனை இடும்
பனியாய் மலரெனை தொடும்
அடித்தால் நான் அழுவேன்
அணைத்தால் சிரித்திடுவேன்
பிள்ளையை கிள்ளிவிட்டு
தொட்டிலை ஆட்டிவிடும்
பொல்லாத திட்டமேனோ
பிரபஞ்சமே பெரிய சக்தியே
பேரன்பின் பெருவெளியே
ஆக்கத்தின் பெருங்கடலே
உன்னுள் துள்ளும் மீன் நானே
No comments:
Post a Comment