நித்தியம்

பிடிக்கவில்லை 
ஓடும் மேகங்கள் ஒன்றையொன்று 
பிடிக்கவேயில்லை 

முடிக்கவில்லை 
சோலைக்குயில் தொடர்கதையை 
முடிக்கவேயில்லை 

தடுக்கவில்லை 
மலர்கள் மதுவுண்ணும் வண்டுகளை 
தடுக்கவேயில்லை 

எட்டவில்லை 
கடலலைக்கு கரையின் நெஞ்சம் 
எட்டவேயில்லை 

நிறுத்தவில்லை 
மாறன் மலர்க்கணைகளை 
நிறுத்தவேயில்லை 

நிற்கவில்லை 
கடலோடு நதிகளின் சங்கமம் 
நிற்கவேயில்லை 

முடியவில்லை 
இரவு பகலின் கண்ணாமூச்சி ஆட்டம் 
முடியவேயில்லை 

புரியவில்லை 
பாதையிது எங்கு போகுமென்று 
புரியவேயில்லை 

தெரியவில்லை 
தேடல் என்று முடியுமென்று 
தெரியவேயில்லை 

நிகழவில்லை 
இறப்பேயில்லாத பிறப்பு 
நிகழவேயில்லை